top of page

Create Your First Project

Start adding your projects to your portfolio. Click on "Manage Projects" to get started

עץ החיים

פרק קמ"ח 148 בתהלים
מילים:
הַ֥לְﬞלוּ־יָ֨הּ ׀
הַֽלְﬞל֣וּ אֶת־יְ֭הֹוָה מִן־הַשָּׁמַ֑יִם
  הַֽ֝לְﬞל֗וּהוּ בַּמְּרוֹמִֽים׃
הַֽלְﬞל֥וּהוּ כׇל־מַלְאָכָ֑יו
  הַ֝לְל֗וּהוּ כׇּל־צְבָאָֽו׃
הַֽ֭לְﬞלוּהוּ שֶׁ֣מֶשׁ וְיָרֵ֑חַ
  הַֽ֝לְﬞל֗וּהוּ כׇּל־כּ֥וֹכְבֵי אֽוֹר׃
הַֽ֭לְﬞלוּהוּ שְׁמֵ֣י הַשָּׁמָ֑יִם
  וְ֝הַמַּ֗יִם אֲשֶׁ֤ר ׀ מֵעַ֬ל הַשָּׁמָֽיִם׃
יְֽ֭הַלְﬞלוּ אֶת־שֵׁ֣ם יְהֹוָ֑ה
  כִּ֤י ה֖וּא צִוָּ֣ה וְנִבְרָֽאוּ׃
וַיַּעֲמִידֵ֣ם לָעַ֣ד לְעוֹלָ֑ם
  חׇק־נָ֝תַ֗ן וְלֹ֣א יַעֲבֽוֹר׃
הַֽלְﬞל֣וּ אֶת־יְ֭הֹוָה מִן־הָאָ֑רֶץ
  תַּ֝נִּינִ֗ים וְכׇל־תְּהֹמֽוֹת׃
אֵ֣שׁ וּ֭בָרָד שֶׁ֣לֶג וְקִיט֑וֹר
  ר֥וּחַ סְ֝עָרָ֗ה עֹשָׂ֥ה דְבָרֽוֹ׃
הֶהָרִ֥ים וְכׇל־גְּבָע֑וֹת
  עֵ֥ץ פְּ֝רִ֗י וְכׇל־אֲרָזִֽים׃
הַחַיָּ֥ה וְכׇל־בְּהֵמָ֑ה
  רֶ֗֝מֶשׂ וְצִפּ֥וֹר כָּנָֽף׃
מַלְכֵי־אֶ֭רֶץ וְכׇל־לְאֻמִּ֑ים
  שָׂ֝רִ֗ים וְכׇל־שֹׁ֥פְטֵי אָֽרֶץ׃
בַּחוּרִ֥ים וְגַם־בְּתוּל֑וֹת
  זְ֝קֵנִ֗ים עִם־נְעָרִֽים׃
יְהַלְﬞל֤וּ ׀ אֶת־שֵׁ֬ם יְהֹוָ֗ה
  כִּֽי־נִשְׂגָּ֣ב שְׁמ֣וֹ לְבַדּ֑וֹ
    ה֝וֹד֗וֹ עַל־אֶ֥רֶץ וְשָׁמָֽיִם׃
וַיָּ֤רֶם קֶ֨רֶן ׀ לְעַמּ֡וֹ תְּהִלָּ֤ה לְֽכׇל־חֲסִידָ֗יו
  לִבְנֵ֣י יִ֭שְׂרָאֵל עַ֥ם קְרֹב֗וֹ
    הַֽלְﬞלוּ־יָֽהּ׃

  • alt.text.label.Instagram

©2023 by Itzhak Gabay.

bottom of page